له‌ئێستادا كه هه‌ڵمه‌تی هه‌ڵبژاردنه‌كان له‌سه‌ره‌تایدایه، به‌هۆی ئه‌وه‌ی كه سیسته‌مه‌كه نیمچه كراوه‌یه، بۆیه هه‌ر كاندیدێك دروشمی تایبه‌ت به‌خۆی به‌رز ده‌كاته‌وه، یه‌كێك له‌و دروشمانه‌ی كه بووه به‌جێگای سه‌رنجی زۆر كه‌س و له‌تۆڕه كۆمه‌لاَیه‌تییه‌كان ده‌نگدانه‌وه‌ی هه‌بووه‌و بووه به‌جێگای توانج گرتن له خۆی و حزبه‌كه‌یشی، ئه‌و دروشمه‌ی د. به‌شاره‌ت ره‌زا كاندیدی پارتی بۆ ئه‌نجومه‌نی نوێنه‌رانی عێراق له‌بازنه‌ی هه‌ولێر بوو كه ده‌ڵێت (دڵنیابه مۆبایله‌كه‌م داناخه‌م و ژماره‌كه‌شم ناگۆڕم) له‌باره‌ی هۆكاری هه‌ڵگرتنی ئه‌و دروشمه به‌شاره‌ت ره‌زا بۆ نه‌وا وتی : خۆم كوڕه هه‌ژارم و تا 2001 پێشمه‌رگه بووم و له‌ناو جه‌ماوه‌ردام، به‌داخه‌وه ئه‌زانم له‌نێوان خاوه‌ن ده‌سه‌ڵاته‌كان و جه‌ماوه‌ردا بۆشاییه‌ك هه‌یه، له هه‌ندێك كاتدا به‌تایبه‌تی بانگه‌شه‌ی هه‌ڵبژاردن ئه‌و خه‌ڵكانه‌ی خاوه‌ن پله‌و پایه‌ن دێنه ناو خه‌ڵك به‌ڵام دوای ئه‌وه‌ی كاریان به خه‌ڵك نامێنێت دابڕان دروست ده‌بێت و مۆبایله‌كانیان داده‌خه‌ن یان ژماره‌یان ده‌گۆڕن.
وتیشی: منیش وه‌ك و كوڕه هه‌ژارێك هه‌ست به‌وه ده‌كه‌م كه پابه‌ندی به‌ڵێنێك بم كه به خه‌ڵكی ده‌ده‌ن و هه‌مان ژماره‌ی مۆبایلم ده‌بێت و دایشی ناخه‌م.
ليست هناك تعليقات:
إرسال تعليق